Petropavlda arnaýly jıynǵa shaqyrylǵan áskerı mindettiler jumysyn aıaqtady
SQO Qorǵanys isteri jónindegi departamenttiń málimetinshe, arnaýly jıynǵa shaqyrylǵan 39 áskerı mindetti azamat Petropavlda dezınfektsııalyq jumyspen aınalysty. Shaqyrylǵandar 3 myńnan astam nysandy zararsyzdandyrdy. Áskerı qyzmetshi mártebesine ıe bolǵandyqtan olarǵa barlyq áleýmettik jeńildik jasaldy. Kıim-keshek, medıtsınalyq qyzmetpen qamtylyp, úsh mezgil tamaqtandyryldy.
Ózderine artylǵan mindetti abyroımen atqarǵan áskerı mindettilerge oblys ákiminiń alǵys hatyn onyń orynbasary Anton Fedıaev tapsyryp, eńbekaqyǵa qosa syıaqy da beriletinin jetkizdi.
Jıynǵa Qorǵanys isteri jónindegi departament, Ulttyq Ulan áskerı ınstıtýtynyń jáne áskerı tehnıkalyq mekteptiń ókilderi qatysyp, jyly lebizderin bildirdi.
«Alda Jeńistiń 75 jyldyǵy jáne 7 mamyr – Otan qorǵaýshylar kúni kele jatyr. Egemendi elimizdiń aıbyny árqashanda asa bersin, elimizge tynyshtyq, halqymyzǵa amandyq tileımin. Turǵyndardyń qaýipsizdigi úshin jasaǵan eńbekterińizge alǵysymdy bildiremin. Óz erikterińizben arnaýly jıynǵa kelip, eńbek ettińizder, elimizdiń naǵyz patrıoty sendersińder», - dedi arnaıy jıynda Qorǵanys isteri jónindegi departament basshysy Talǵat Áliqulov.
Áskerı qyzmetshiler jarty aıdan astam ýaqyt Petropavl kóshelerin, qoǵamdyq oryndardy zalalsyzdandyrdy.