Petropavlda Alǵys aıtý kúnine oraı zeınetkerler qoǵamdyq kólikte tegin júr
Bul - Petropavl qalalyq ákimdiginiń bastamasy. Olardyń usynysyn jolaýshylar tasymalymen aınalysatyn kásipkerler bir aýyzdan qoldap, merekege óz úlesin qosyp jatyr. ıAǵnı, naýryzdyń 1-i kúni qart adamdar qalaishilik baǵytta júretin barlyq avtobýstardyń qyzmetin tegin paıdalana alady. Qazirgi ýaqytta Petropavlda turatyn zeınetkerlerdiń sany 44 myńnan asady.
«Qala zeınetkerlerine 1 naýryz - Alǵys aıtý merekesine oraı osyndaı syı jasaýdy uıǵardyq. Petropavl boıynsha 270 qoǵamdyq kólik bar. Sonyń bárinde zeınetkerlerimiz tegin júre alady»,- deıdi Petropavl qalasy ákimdiginiń TKSh, jolaýshylar kóligi jáne avtomobıl joldary bóliminiń basshysy Oraz Kárshalov.
Jalpy, Petropavlda merekege oraı kóptegen is-sharalar josparlanǵan. Qalalyq ishki saıasat basqarmasynyń málimetinshe, búgin Qazaqstan halqy Assambleıasynyń uıymdastyrýymen «Etnostar Forýmy», «Shashý» qaıyrymdylyq aktsııasy, «Etno-fashion» atty ulttyq kıimderdiń festıval-konkýrsy ótip jatyr. Sondaı-aq uıymdar, oqý oryndary men memlekettik mekemelerdiń ókilderi oblys ortalyǵyndaǵy «Balalar aýylynda», «Analar úıinde» bolyp, qaıyrymdylyq sharalaryn ótkizdi.