Petropavlda áleýmettik nysandardyń úshten biri jylytý maýsymyna daıyn

<p>PETROPAVL. KAZINFORM &ndash; Petropavlda kópqabatty úılerdi jylytý maýsymyna daıyndaý jumystary ázirge baıaý júrgizilip jatyr. Júıe 161 kóppáterli turǵyn úıde jýyp-shaılypy, jylýdy qabyldaýǵa tehnıkalyq turǵyda daıyn.&nbsp;</p>

Bul – oblys ortalyǵyndaǵy kópqabatty úılerdiń tek 13,7 % ǵana. Petropavl qalasy turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi baspasóz qyzmetiniń málimetinshe, qalada 1170 kópqabatty turǵyn úı ortalyqtandyrylǵan jylytý júıesine qosylǵan. Olardyń 759-ynda ǵana páter ıeleri kooperatıvteri, múlik ıeleriniń birlestikteri bar.

«Aldaǵy jylytý maýsymyna daıyndyq barysynda aqparattyq-túsindirý jumystary júrgizilip jatyr, sonyń ishinde árqaısysyna telefon soǵyp, buqaralyq aqparat quraldary arqyly, áleýmettik jeli jáne ákimdiktiń resmı saıty arqyly tıisti jumystardy tezirek atqarý qajettigin eskerttik. Basqarý qurylymdary joq kópqabatty turǵyn úılerde jylytý júıesin jýyp-shaıý jumystaryna páter ıeleri ózderi jaýapty», - deıdi Petropavl qalasy turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń baspasóz hatshysy Nına Ýsenko.

Petropavlda ortalyqtandyrylǵan jylytý júıesine 167 áleýmettik nysan da qosylǵan, olar: balabaqshalar, mektepter, densaýlyq saqtaý uıymdary, sport jáne mádenıet nysandary. Búginde 105-inde qajetti tehnıkalyq jumys atqarylyp, jylytý maýsymyna daıyn tur.

Buǵan deıin «Salamatty Qazaqstan» medıtsınalyq poıyzy Soltústik Qazaqstan oblysynyń turǵyndaryn qabyldap jatqanyn jazǵan edik.