Petropavlda Aqan seri Qoramsauly atyndaǵy respýblıkalyq dástúrli ánshiler baıqaýy bastaldy

<p>Petropavlda Aqan seri Qoramsaulynyń 180 jyldyq mereıtoıyna oraı respýblıkalyq dástúrli ánshiler baıqaýy bastaldy. Ekinshi ret ótip otyrǵan óner dodasyna qatysýǵa bıyl 40-tan astam úmitker tilek bildirdi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Aqyn, ánshi, kompozıtor Aqan seriniń bıyl 180 jyldyq mereıtoıy. Osyǵan oraı oblystyq fılarmonııada Aqan seri Qoramsauly atyndaǵy II Respýblıkalyq dástúrli ánshiler baıqaýy bastaldy. Іs-sharaǵa elimizdiń túkpir-túkpirinen 18 ben 35 jas aralyǵyndaǵy ánshiler qatysyp jatyr.

Foto: Samat Baıǵazy

Búgin baıqaýdyń birinshi kezeńinde qatysýshylar Aqan seriniń ánderin: «Qulager», «Maıdaqońyr», «Kókshetaýdyń bıigi», «Shoqtyǵy bıik», «Kókjendet», «Syrymbet» sekildi el arasynda tanymal ánderin shyrqady. Al bul kezeńnen ótkender erteń óz qalaýy boıynsha halyq ánin nemese halyq kompozıtorlarynyń bir ánin oryndaıdy.

«Jalpy maqsatymyz - Aqan babamyzdyń án murasyn nasıhattap, ony keleshek urpaqqa jetkizý. Jalpy atadan balaǵa mıras bolǵan sal-serilerdiń shyǵarmalaryn keńinen tanytý. Árıne, jas daryndardy anyqtaý. II respýblıkalyq dástúrli ánshiler baıqaýy erteń máresine jetpek. Eki kezeńnen de súrinbeı ótip, top jarǵan ánshiler marapattalady jáne qarashanyń 24-i kúni bolatyn gala-kontsertte óner kórsetedi», - deıdi is-sharany uıymdastyrýshylardyń biri, QR Mádenıet salasynyń úzdigi Birjan Esjanov.

Foto: Samat Baıǵazy

Baıqaýǵa dástúrli án ónerin damytýǵa úlesin qosyp, sal-seriler dástúrin jalǵastyrýshy Erbol Aıtbaev, óner maıtalmandary – Qaırat Kákimov, Nurjan Janpeıisov, Dáýrenbek Álkenov qazylyq etip jatyr.