Petropavlda 600 otbasy jańa baspanaǵa ıe boldy

<p>Petropavldaǵy &laquo;Bereke&raquo; shaǵyn aýdanyna búgin kópqabatty 6 úı paıdalanýǵa berilip, 600 páterdiń kilti turǵyndarǵa saltanatty túrde tabys etildi, dep habarlaıdy <a href="Kazinform" target="_blank" rel="noopener">Kazinform.</a></p>

Búgin Petropavldaǵy «Bereke» shaǵyn aýdanynda qurylysy osydan úsh jyl buryn bastalǵan kópqabatty alty úı tapsyryldy. Injenerlik ınfraqurylymnyń der kezinde salynbaýyna baılanysty bul qýanyshty sát shegerilip kelgen edi. Jańa qonys ıelerine páter kiltin Soltústik Qazaqstan oblysynyń ákimi Ǵaýez Nurmuhambetov saltanatty túrde tabystady. 

«Búgin «Bereke» shaǵyn aýdanynda jaldamaly-kommýnaldyq 6 kópqabatty úı qoldanysqa berilip, 600 otbasy baspanaǵa ıe boldy. Bul kópbalaly otbasylar, jetimder, erekshe qajettilikteri bar adamdar jáne tolyq emes januıalar úshin kópten kútken qýanyshty kún. Jańa páterlerdiń ıelerine kiltterdi tabys etip, qonys toımen quttyqtadym. Kópbalaly ana Gúlnaz Kenjetaeva men Aleksandra Iorjtyń shańyraǵynda boldym.

Halyqty turǵyn úımen qamtamasyz etý – memlekettik saıasattyń basym baǵyttarynyń biri. Prezıdent turǵyndarǵa baspana qoljetimdi bolýy kerek dep atap ótti. Jyl sońyna deıin oblys ortalyǵynda 22 kópqabatty úı tapsyrylyp, 2 myńnan asa otbasy jańa qonysqa ıe bolady», - dedi óńir basshysy.

«Bereke» – kúnnen kúnge ósip, kórkeıip kele jatqan bolashaǵy zor shaǵyn aýdandardyń biri. Qazirgi ýaqytta munda eki shaǵyn mektep, balabaqsha men sport kesheniniń qurylysy júrip jatyr. Jańa jylǵa deıin jańa emhana paıdalanýǵa beriledi. 

Foto: SQO ákimdigi baaspasóz qyzmeti

Foto: SQO ákimdigi baaspasóz qyzmeti