Petropavlda 34 jastaǵy áıel eki aptadan beri tabylmaı jatyr

PETROPAVL. QazAqparat – Petropavlda Irına Nıkolaevna Iskakovaǵa izdeý jarııalandy. Ol eki aptadan beri tabylmaı jatyr, dep habarlaıdy QazAqparat tilshisi.

Soltústik Qazaqstan oblysynyń volonterleri joǵalǵan adamdy izdeýge at salysyp, Irına Iskakova týraly aqparatty áleýmettik jelide jarııalady. Aıtýlarynsha, áıel 29 sáýir kúni saǵat 20.00 shamasynda Petropavldaǵy Moprovskaıa kóshesindegi úıinen shyǵyp ketip, qaıtyp oralmaǵan.

Irınanyń boıy 160 sm, aryqsha kelgen, betinde sekpil bar, buıra kelgen jıren uzyn shashty.

Sol kúni ústinde qara kúrteshe, kók djınsy, aıaǵynda aq krossovkı bolǵan.

Irına Iskakovany kórgen-bilgender bolsa 8 926 62664 33, 8 777 307 99 65 nemese 102 nómirine habarlasa alady.

Volonterler sondaı-aq, Vasılıı Aleksandrovıch Nıkolevtyń týǵan-týystaryna izdeý jarııalady. 1986 jyly týǵan er adam qazirgi ýaqytta aýrýhanada em alyp jatyr. Ol umytshaqtyq aýrýymen aýyrýy múmkin, sol sebepti ózi jaıynda basqa málimet bere alar emes.

Vasılıı Nıkolaevty tanyǵandar bolsa volonterlerge nemese polıtsııaǵa habarlasa alady.

Buǵan deıin izdeý jarııalanǵan Qyzyljar aýdany Chapaev eldi mekeniniń turǵyny Narıman Nurseıitov áli kúnge tabylǵan joq. Ol 26 naýryz kúni úıinen shyǵyp, Petropavlǵa jol tartqan. Sodan beri habarsyz.