Petropavlda 3,2 mlrd teńgege ústel tennısi ortalyǵy salynyp jatyr

<p>PETROPAVL. KAZINFORM &ndash; Petropavlda tamyz aıynda jańadan salynǵan ústel tennısi ortalyǵy paıdalanýǵa berilmek. Jumysty josparǵa saı aıaqtaý úshin búgin qurylys alańyna 50 maman, 10 tehnıka tartylǵan.&nbsp;</p>

Sport nysanynyń qurylysy bıyl aqpan aıynda bastaldy. Qazirgi ýaqytta munda syrty qaptalyp, ınjenerlik jelileri salynyp, ishki árleý jumystary júrip jatyr. Ústel tennısi ortalyǵynyń jalpy aýmaǵy 3,6 myń sharshy metr bolady. Eki qabatty ǵımarat 90 adamnyń oınaýyna shaqtalǵan. Sporttyq nysannyń ishine barlyǵy 24 tennıs ústeli qoıylmaq.

Foto: Oral Ámirenov

Qurylysty «Mıras Group» JShS júrgizip jatyr. Al, qoldanylyp jatqan materıaldardyń barlyǵy – otandyq ónim. 

«Ústel tennısi ortalyǵyn salýǵa shamamen 3,2 mlrd teńge bólingen. Biz gazoblok materıalyn qoldandyq. Ol Petropavlda jasalǵan. Al, ǵımarattyń temir qańqasy, proflıst Temirtaý qalasynan ákelingen. Jylý ustaǵysh materıal Makınsk qalasynan jetkizildi», - deıdi qurylys nysanynyń basshysy Farhat Seıpılov. 

Foto: Oral Ámirenov

Ústel tennısi ortalyǵy jospar boıynsha 1 tamyzda berilýi tıis. 

Buǵan deıin SQO-da tasqynnan zaqymdanǵan 700 úıdiń jóndelip jatqanyn jazǵan edik.