Petropavlda bir otbasynan úsh adamdy óltirip ketti

<p>Soltústik Qazaqstan oblystyq Polıtsııa departamenti baspasóz qyzmetiniń habarlaýynsha, 28 jeltoqsan kúni saǵat 13.25-te zorlyq-zombylyqtyń belgileri bar 3 adamnyń denesiniń tabylǵany týraly telefon arqyly habarlama kelip túsken, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Atalǵan fakt QR QK 99-baby 2-bóligi 1-tarmaǵy (Eki nemese odan kóp adamdy óltirý) boıynsha sotqa deıingi tergep-tekserýlerdiń biryńǵaı tiziliminde tirkeldi. Soltústik Qazaqstan oblysy Polıtsııa departamentiniń qyzmetkerleri oblys ortalyǵynyń 2 turǵynyn izin sýytpaı, ustady. Kúdiktiler Petropavl qalasy PB ýaqytsha ustaý ızolıatoryna qamaldy. Qazirgi ýaqytta istiń barlyq mán-jaılaryn tolyq, jan-jaqty jáne obektıvti zertteýge baǵyttalǵan tergeý áreketteri júrgizilýde. Іs Soltústik Qazaqstan oblysynyń prokýratýrasy men Polıtsııa departamentiniń baqylaýynda.

QR QІJK-niń 201-babyna sáıkes sotqa deıingi tergep-tekserý derekteri jarııa etilmeıdi.