Petropavlda 25 turǵyn úı jáne 12 mekeme-uıymǵa sý berý toqtatyldy

<p>PETROPAVL. KAZINFORM &ndash; Petropavlda tozyǵy jetken kollektor qalpyna keltirilip jatyr. Osyǵan baılanysty jóndeý jumysy júrgizilip jatqan aýdanǵa ýaqytsha sý berý toqtatyldy.&nbsp;</p>

Petropavl qalalyq ákimdiginiń málimetinshe, Abaı kóshesinde ornalasqan kollektor qalanyń birneshe aýdanyn qamtıdy. Tozyǵy jetkendikten, qazirgi ýaqytta aýystyrylyp jatyr. 1,1 km jańadan qubyr salynýy kerek bolsa, sonyń 130 metri tartyldy. Erteń taǵy 500 metri salynbaq.

«Qazirgi ýaqytta Jumabaev kóshesinde qozǵalys qalpyna keldi. Erteń N.Nazarbaev kóshesinde jumys aıaqtalyp, kóshe ashylady. 
Jóndeý jumystary kezinde úılerdiń jertóleleri sýǵa tolmaý úshin búgin kóp qabatty 25 turǵyn úı jáne 12 uıym-mekeme sýdan ajyratyldy. Sýmen qamtý 24 sáýir kúni keshke qaraı qalpyna keledi», - delingen ákimdik taratqan aqparatta.

Sýsyz qalǵan mekemelerdiń ishinde úsh mektep, balabaqsha, saýda ortalyqtary, bazar da bar. Bul kúnderi meken jaılarǵa sý jetkizilip beriletin bolady.

«Qyzyljar sý» JShS-niń málimetinshe, 30 naýryzda Abaı kóshesi boıynda Altynsarın kóshesimen qıylysynda káriz kollektory zaqymdandy. 
Apatty jaǵdaıdy joıý úshin Petropavl qalasy ákiminiń sheshimimen 4 sáýirden bastap jergilikti aýqymdaǵy tabıǵı sıpattaǵy tótenshe jaǵdaı rejımi jarııalandy, onyń aıasynda Toqsan bı kóshesinen Nazarbaev kóshesine deıin uzyndyǵy shamamen 1,1 km ýchaskege D-700mm qubyr tóselip jatyr.

1966 jyly paıdalanýǵa berilgen bul kollektor Petropavldyń Pýshkın kóshesinen B.Baıan kóshesine deıingi qalanyń ortalyq bóligin, sondaı-aq vokzal mańy men Jumysshy kentiniń aǵyn sýlaryn qabyldaıdy.

Kollektordyń jalpy uzyndyǵy – 2600 metr, dıametri – 800 mm bolatyn temirbeton qubyr paıdalanylǵan. Búginde ol 100% tozǵan.