Petropavlda 24 qyrkúıekte jylytý maýsymy bastalady

PETROPAVL. QazAqparat – Petropavl ákimi Rýslan Anbaev jylytý maýsymyn bastaý jaıynda qaýlyǵa qol qoıdy, dep habarlaıdy QazAqparat tilshisi.

Petropavlda jylytý maýsymy 24 qyrkúıekte bastalady. Bul týraly qala ákimi Rýslan Anbaev áleýmettik jelidegi jeke paraqshasynda jarııalady.

«Petropavl qalasy ákimdiginiń 2022 jylǵy 21 qyrkúıektegi № 1109 qaýlysy negizinde jylytý maýsymy osy jyldyń 24 qyrkúıeginen bastalady.

Birinshi kezekte jylý áleýmettik mańyzy bar nysandarǵa - balabaqshalarǵa, mektepterge, aýrýhanalarǵa, emhanalarǵa jáne t.b. beriledi. Ekinshi kezekte kópqabatty úıler qosylady.

Qaýlynyń oryndalýyn baqylaý osy salany basqaratyn qala ákiminiń orynbasaryna júkteldi», - delingen jazbada.

Buǵan deıin qala ákimdigi jylytý maýsymy 20 qyrkúıekte bastalady dep habarlaǵan edi. Alaıda aýa temperatýrasynyń 20-26 gradýsqa deıin kóterilýine baılanysty ol keıinge qaldyryldy.

Petropavl qalalyq ákimdiginiń málimetinshe, shaharda ortalyq jylýmen jabdyqtaý júıesine 4,5 myń ǵımarat qosylǵan. Sonyń 1115-i – kóppáterli baspana. Jylý energııasymen turmystyq sektordyń 71 myń abonenti jáne 2,3 myń zańdy tulǵa qamtylǵan.