Petropavlda 22 jastaǵy jigittiń úıinen 31 gr mefedron tabyldy
Soltústik Qazaqstan oblysy Polıtsııa departamenti baspasóz qyzmetiniń málimetinshe, Petropavldyń 22 jastaǵy turǵyny tamyz aıynyń sońynda esirtki qylmysymen kúresýshilerdiń nazaryna iligedi. Tártip saqshylaryna onyń esirtki taratýǵa qatysy bolýy múmkin degen aqparat túsken. Jedel-izdestirý is-sharasy nátıjesinde kúdikti ustaldy. Onyń turǵylyqty jerinen túıinshikterge bólip salynǵan jalpy salmaǵy 31 gramm untaq zat tabyldy.
Saraptama tárkilengen zattyń sıntetıkalyq psıhobelsendi zat – «mefedron» ekendigin kórsetti. Bul kokaınnyń sıntetıkalyq analogy. Ol 500-ge jýyq túıinshekke bólip salynǵan.
«Tergeý amaldaryn júrgizý kezinde onyń esirtki tabletkalaryn jasyryn jerlerge salǵany anyqtaldy. Metamfetamın, kóbine «ekstazı» ataýymen tanymal psıhotropty zat. Bıyldyqqa ol birinshi ret oblys aýmaǵynda anyqtalyp otyr. Asa iri mólsherdegi esirtki zattarymen zańsyz aınalysý faktisi QR Qylmystyq kodeksiniń 297-baby 3-bóligi «Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý» boıynsha Sotqa deıingi tergep-tekserýlerdiń biryńǵaı tizilimine engizildi. Kúdikti qamaýǵa alyndy», - deıdi SQO PD esirtki qylmysyna qarsy is-qımyl basqarmasy bastyǵynyń mindetin atqarýshy Ivan Terzıdı.
Qylmystyń bul túrine on jyldan on bes jylǵa deıingi merzimge bas bostandyǵynan aıyrý jazasy qarastyrylǵan.