Petropavlda 17 jastaǵy bozbalany júrginshi jolaǵynda júk kóligi qaqty

<p>PETROPAVL. KAZINFORM &ndash; Petropavlda júrginshiler jolaǵynan ótip bara jatqan 17 jastaǵy jasóspirimdi júk kóligi qaqty.&nbsp;</p>

Soltústik Qazaqstan oblysy polıtsııa departamenti baspasóz qyzmetiniń málimetinshe, oqıǵa Petropavldaǵy Jambyl jáne Chelıýskın kósheleriniń qıylysynda bolǵan. 

«ZIL KO-510» júk kóliginiń 49 jastaǵy júrgizýshisi jaıaý júrginshiler ótkelinen ótip bara jatqan oblys ortalyǵynyń 17 jastaǵy turǵynyn qaǵyp ketti.

Túrli dene jaraqatyn alǵan jasóspirim jedel járdem kóligimen emdeý mekemesine jetkizilip, jatqyzyldy.

Avtokólik mamandandyrylǵan aıyp turaǵyna qoıyldy. Júrgizýshi medıtsınalyq kýálandyrýǵa jiberildi, aldyn ala málimet boıynsha - mas emes.

Abaısyzda adamnyń densaýlyǵyna aýyr zııan keltirýge ákep soqqan jol júrisi qaǵıdalaryn buzý faktisi boıynsha sotqa deıingi tergeý bastaldy.

SQO densaýlyq saqtaý basqarmasy baspasóz qyzmetiniń málimetinshe, jasóspirim oblystyq kópbeıindi balalar aýrýhanasyna jatqyzyldy, jaǵdaıy aýyr.

Buǵan deıin SQO-da jol apatynan eki adam mert bolyp, úsheýi jaraqattanǵanyn jazǵan edik.