Petropavlda 16 kópqabatty, 42 jer úı jylýsyz qaldy
16:56, 04 Jeltoqsan 2022
PETROPAVL. QazAqparat – Petropavldaǵy jylý magıstraliniń aqaýynan 16 kópqabatty, 42 jer úı áli jylýsyz otyr, dep habarlaıdy QazAqparat tilshisi.
№15 jylý magıstralindegi tehnologııalyq aqaý saldarynan Qızatov, Zarechnaıa, Jeńis, Jýkov kóshelerindegi 16 kópqabatty úı men Qızatov, Kirpishti, Zarechnaıa, Jeńis, Jýkov kóshelerindegi 42 jer úı jylýsyz qalyp otyr.
Qalany jylýmen qamtýǵa jaýapty «Sevkazenergo» aktsıonerlik qoǵamynyń baspasóz qyzmeti arnaıy brıgada tańǵy saǵat 10.00-den bastap jumys istep jatqanyn málim etti.
«Mamandar qubyrlardy aýystyrýǵa kiristi. Jylý jelisi kompanııasynyń jumysshylary jedel áreket etip jatyr. Bul úılerdi qaıta jylýǵa jalǵaý qıyndyq týǵyzbaýy qajet», - dep jazylǵan baspasóz qyzmetiniń málimetinde.
«Sevkazenergo» ondaǵan úı jylýsyz qalsa da, oqıǵany shtattaǵy jaǵdaı dep baǵalap otyr.