Petropavlda 12 myńǵa jýyq adam jer kezeginde tur
Petropavl ákimi Bolat Jumabekov qala turǵyndarymen esepti kezdesýin ótkizip, birqatar máseleniń basyn ashty. Qala basshysynyń aıtýynsha, jeke turǵyn úı qurylysyn damytý úshin oblys ortalyǵynyń eki shaǵyn aýdanynda alańdar ázirlenip jatyr. Solnechnyı shaǵyn aýdanynda 2 myń, ıÝjnyı shaǵyn aýdanynda 1 myń ýchaske berilmek. Qazir bul jerlerde ınjenerlik ınfraqurylym tartylyp jatyr.
Qazirgi ýaqytta Petropavlda 10 sotyq jer ýchaskesin alýǵa 12 myńǵa jýyq adam kezekte tur.
«Petropavlda qurylys qarqynynyń artýyna baılanysty úsh jylý magıstralin salýǵa kelisimshart jasaldy. Bul Jas Órken, Borkı, Orman, Solnechnyı kentterinde jylýmen qamtý qýatyn arttyrýǵa múmkindik beredi.
Bıyl da Jas Órken, Ortalyq, Bereke jáne Kopaı shaǵyn aýdandarynda qurylys jalǵasady. Bul jerden eski jeke turǵyn úıler syrylyp, ornyna kóp qabatty turǵyn úıler turǵyzylady», - deıdi Bolat Jumabekov.
Petropavlda 2017 jyldan bastap 1673 jeke turǵyn úı súrildi. Byltyr Jas Órken, Ortalyq, Bereke aýdandarynda 463 úı buzyp alynyp, 424 úı ıesine páter berildi. 39 adam súrilgen úıi úshin aqshalaı ótemaqy aldy.
Bıyl 114 jeke turǵyn úı turǵan ýchaskeni tazartý jáne 6 jer ýchaskesin ıelikten shyǵarý mindeti tur.