Petropavl turǵynyna terrorıstik uıymnyń týyn jarııalaǵany úshin aıyppul salyndy

<p>ASTANA. KAZINFORM &ndash; Petropavl qalasynyń 53 jastaǵy turǵyny áleýmettik jelide mobıldi qosymshasynyń akkaýnt profıline terrorıstik uıymnyń týyn jarııalaǵan. Bul áreketi úshin oǵan qomaqty aıyppul salyndy.</p>

QR Terrorızmge qarsy ortalyǵynyń málimetinshe, bul faktini Soltústik Qazaqstan oblysy ІІD ekstremızmge qarsy kúres basqarmasynyń qyzmetkerleri jedel izdestirý sharalary barysynda anyqtaǵan.

– Er adam jarııalaǵan týdyń sýreti QR aýmaǵynda tyıym salynǵan halyqaralyq terrorıstik uıymnyń qyzmetimen baılanysty. Sot sheshimimen Petropavl turǵyny 100 AEK (369 200 teńge) kóleminde aıyppul túrinde ákimshilik jaýapqa tartyldy, - delingen habarlamada.

Jyl basynan beri Soltústik Qazaqstan oblysy ІІD ekstremızmge qarsy kúres basqarmasynyń qyzmetkerleri ekstremıstik baǵyttaǵy ádebıetterdi zańsyz alyp ótý áreketin toqtatyp, ınternet arqyly dinı materıaldardy zańsyz taratýdyń 5 faktisin anyqtaǵan.

Polıtsııa qyzmetkerleri dinı mazmundaǵy tyıym salynbaǵan aqparattyq materıaldardy jáne dinı maqsattaǵy zattardy tek ǵıbadat oryndarynda, dinı bilim berý uıymdarynda jáne arnaıy bekitilgen oryndarda taratýǵa ruqsat etiletinin eskertedi.