Petropavl turǵyny «avataryna» terrorıstik uıymnyń týyn qoıǵany úshin jazalandy

<p>PETROPAVL. KAZINFORM &ndash; Petropavldyń 53 jastaǵy turǵyny terrorıstik uıymynyń týyn jeke akkaýntynyń profıline fotosýret retinde ornalastyrǵany úshin jaýapqa tartyldy.</p>

Soltústik Qazaqstan oblysy polıtsııa departamenti baspasóz qyzmetiniń málimetinshe, ekstremızmge qarsy is-qımyl basqarmasynyń qyzmetkerleri jedel is-sharalardy ótkizý barysynda quqyqbuzýshylyqty anyqtady. Er adam «avatarkasyna» ornalastyrǵan tý – sheteldik terrorıstik uıymǵa tıesili. Onyń qyzmeti el aýmaǵynda tyıym salynǵan. 

Mamandandyrylǵan ákimshilik sottyń sheshimimen endi quqyq buzýshy 100 AEK – 370 myń teńge mólsherinde aıyppul tóleıdi. 

SQO polıtsııa departamenti ekstremızmge qarsy is-qımyl basqarmasynyń qyzmetkerleri jaqynda elge ekstremıstik mazmundaǵy ádebıettiń enýine jol bermedi. Sondaı-aq ınternet arqyly dinı materıaldardy zańsyz taratýdyń 5 faktisin anyqtady. 

Tártip saqshylary dinı mazmundaǵy tyıym salynbaǵan aqparattyq materıaldar men dinı maqsattaǵy zattardy tek ǵıbadat úılerinde, rýhanı bilim berý uıymdarynda jáne arnaıy belgilengen statsıonarlyq úı-jaılarda taratýǵa ruqsat etilgenin eske salady.