Petropavl polıtseıleri joldaǵy qaýipsizdik erejelerin túsindirýdi perzenthanadan bastady

PETROPAVL. QazAqparat  -  Soltústik Qazaqstan oblysynyń polıtseıleri balalardy arnaıy oryndyqsyz (avtokreslo) tasymaldap júrgen kólik ıelerin anyqtaýda, dep habarlady SQO ІІD-ge silteme jasap «QazAqparat» HAA tilshisi.

Óńirde jyl basynan jol apatynda 15 bala zardap shekken. Onyń beseýi joldan ruqsat etilmegen jerden ótken. Osy jaǵdaı jol qozǵalysy qaýipsizdigi  sharasyn ótkizýge negiz boldy.

«Onkúndik shara barysynda júrgizýshilerdiń  qaýipsizdik belbeýin taǵýyna, mototsıkl júrgizýshileri men olardyń jolaýshylarynyń dýlyǵalar kııýine baqylaý kúsheıtildi», - dedi SQO ІІD jergilikti polıtsııa qyzmetiniń bastyǵy, polıtsııa polkovnıgi Qanat Aıtbaev.

Polıtseıler joldaǵy qaýipsizdik boıynsha túsindirý jumystaryn aldymen perınataldyq ortalyqta jańa bosanǵan áıelder arasynda júrgizdi. 

Jas jolaýshylardyń qaýipsizdigine qatysty áńgime qoǵamdyq kólik jáne taksı júrgizýshileriniń qatysýymen de ótti.  Naýqan barysynda jol qozǵalysy erejeleriniń saqtalýyna baqylaý kúsheıtildi. 10 kúnde qala men  oblys  joldarynda 3,5 myńnan astam zań buzýshylyqtar anyqtaldy. 22 júrgizýshige - balany arnaıy   qurylǵysyz tasymaldaǵany úshin, 700-den astam júrgizýshige qaýipsizdik belbeýin taqpaǵany úshin aıyppul salyndy.