Petropavl qalasynyń ataýyn ózgertý kún tártibinde turǵan joq – SQO ákimi

<p>ASTANA. KAZINFORM &ndash; Soltústik Qazaqstan oblysynyń ákimi Ǵaýez Nurmuhambetov eseptik brıfıngide Petropavl qalasynyń ataýy ózgerýi múmkin be degen suraqqa jaýap berdi.&nbsp;</p>

«Qazir Petropavl qalasynyń ataýyn ózgertý kún tártibinde turǵan joq. Qala turǵyndary bul máseleni kótermeıdi, sebebi olarǵa abattandyrý, damytý mańyzdyraq. Mysaly oblys ortalyǵynda 400 shaqyrym joldyń 40 paıyzynda asfalt jabyny joq, muny turǵyndardyń ózi aıtyp júr. Sport alańdaryn jasaý kerek. Sondyqtan, qala ataýyn ózgertý taqyryby búgingi kúni kóterilip otyrǵan joq», - dedi Ǵaýez Nurmuhambetov Astanada Ortalyq kommýnıkatsııalar qyzmetinde.

Buǵan deıin Petropavlda sý tasqynynan zardap shekkender úshin jańa shaǵynaýdan salynatynyn jazǵan edik. Óz kezeginde Soltústik Qazaqstan oblysynyń ákimi Ǵaýez Nurmuhambetov tabıǵı apat saldary qalaı qalpyna keltirilgenin aıtyp bergen bolatyn.