Petropavl botanıka baǵyn Reseıge kóshirýdi suraǵan dırektor eldiń ashýyna tıdi

<p><span style="font-family: sans-serif; font-size: 18px;">Petropavldaǵy botanıkalyq baq dırektory Artýr Rıazapov keshendegi zoobaq jáne mýzeı kollektsııasyn Tatarstanǵa evakýatsııalaýdy surap, sol eldiń Prezıdentine hat jazdy. Onyń bul áreketi turǵyndardyń narazylyǵyn týǵyzyp jatyr, dep habarlaıdy QazAqparat tilshisi.</span></p>

Keshe áleýmettik jelide Petropavldaǵy botanıkalyq baq dırektory Artýr Rıazapovtyń Tatarstan Prezıdentiniń atyna kómek surap jazǵan haty jarııa boldy. 

Keshen basshysynyń aıtýynsha, jaǵdaı ózgermese kóp jylǵy eńbek zaıa ketip, baq joıylýy múmkin.

Bul hat turǵyndardyń ashýyn týǵyzdy.

Keıin jazba astyna hat avtory jaýap qaldyryp, jaǵdaıdy túsindirmek boldy.

Artýr Rıazapovtyń aıtýynsha, olar osylaısha botanıkalyq baqty saqtap qalmaq.

Qalanyń kommýnaldyq menshigine berilgenimen, másele sheshilmegen. Ol hatty jazýǵa ne sebep bolǵanyn tizip berdi.

Sonyń ishinde memlekettik zańdy tulǵanyń berilmeýi, baq aýmaǵyn úlkeıtýge múmkindiktiń bolmaýy, mańynda qurylystyń júrgizilýi sııaqty birqatar másele bar.

«Baqtyń qaı vedomstvoǵa qaraıtyny da belgisiz. Sondaı-aq botanıkalyq baqqa onyń negizin qalaýshy, Qazaqstannyń eńbegi sińgen agronomy, Petropavldyń qurmetti azamaty, professor Ravıl Rıazapovtyń esimi berilmedi... Bizdiń baq quryp barady, endeshe ol Tatarstanda jańǵyrsyn!», dep jazdy Artýr Rıazapov.

Petropavl qalalyq bilim bóliminiń málimetinshe, Botanıkalyq baq tıisti deńgeıde qarjylandyrylyp keledi. Máselen bıyl bul mekemeni kútip ustaýǵa jáne jóndeýge 90 mln teńgeden artyq qarajat bólingen.

«Ǵasyrlyq tarıhy bar Petropavldaǵy Botanıkalyq baq 2018 jyly «Jas daryn» mýzykalyq mektebiniń balansyna berildi. Sol ýaqyttan beri bul nysanǵa 320 mln teńge bólingen. Bıyl 90 mln teńgeden artyq qarjy bólinse, onyń 20 mln teńgeden astamy materıaldyq bazasyn nyǵaıtýǵa jáne shatyryna aǵymdaǵy jóndeý jumysyn júrgizýge jumsaldy», - delingen vedomstvonyń jaýabynda.