Petropavl áýejaıy qaıtadan satylymǵa shyǵaryldy

PETROPAVL. QazAqparat – Petropavl halyqaralyq áýejaıyna satyp alýshy tabylmaı jatyr. Mańyzdy nysan ekinshi ret aýktsıonǵa qoıyldy. Bul joly baǵasy eki ese arzandaǵan, dep habarlaıdy QazAqparat tilshisi.

Petropavl halyqaralyq áýejaıynyń satylymǵa shyǵarylǵany jóninde aqparat elektrondy saýda alańynda paıda boldy.

Buǵan deıin nysannyń múlki 5,6 mlrd teńgege baǵalanǵan edi.

Eki aı boıy satylmaǵan áýejaıdyń bul jolǵy baǵasy – 2,8 mlrd teńge. Saýda-sattyqqa bir ǵana ınvestor qatyssa da ol ótken bolyp esepteledi.

Nysandy alǵan ınvestor 10 jyl boıy áýejaı beıinin ózgertpeı, tıisti talaptardy oryndap, jolaýshylardyń jáne órtke qarsy qaýipsizdikti qamtamasyz etýi qajet.

Osy aralyqta kásipker 1,5 mlrd teńge qarjy quıyp, atqarylǵan jumys jaıynda ár jyldyń basynda esep berýi tıis.

Aýktsıon 12 mamyr kúni ótedi.

SQO jolaýshylar kóligi jáne avtomobıl joldary basqarmasynyń basshysy Maqsat Baıahmettiń aıtýynsha, qazirgi ýaqytta Petropavldan kúndelikti Nur-Sultan qalasyna jáne aptanyń bes kúni Almaty qalasyna sýbsıdııalanǵan baǵyttar bar.

Al Túrkistan men Shymkent qalalaryna tilek bildirýshilerdiń bolmaýyna qatysty konkýrs ótpedi.