Petropavl ákimdigi óz balansyndaǵy páterlerge qatysty túsinik berdi
Buǵan deıin SQO-nyń sybaılas jemqorlyqqa qarsy qyzmetiniń basshysy Sergeı Perov Petropavl ákimdiginiń balansynda turǵan, biraq zańsyz jalǵa berilgen 1,5 myń páter týraly aıtqan edi.
Petropavl ákiminiń orynbasary Asqar Habıbýlınniń aıtýynsha, Petropavl qalasy ákimdiginiń turǵyn úı-kommýnaldyq sharýashylyǵy, jolaýshylar kóligi jáne avtomobılder joldary bólimine tekseris byltyr shilde aıynda júrgizilgen.
«Tekseris kezinde ákimdik óz tarapynan qujattardy tolyq kórsetpegen. Bul aqparatty berýi tıis qyzmetshi osy áreketi úshin jumystan shyǵaryldy.
Buǵan deıin aıtylǵan faktilerge toqtalsam, Petropavlda 70 adam kezeksiz páter aldy degen aqparattyń bizge qatysy joq, bul – oblystyń aýdandarynda tirkelgen fakti.
Turǵyn úı komıssııasynyń jumysyna qatysty aıtar bolsam, adamdar kóshedi, belgili bir mekenjaıǵa tirkelgenimen, ol úıde turmaıdy, ıaǵnı qonys aýdarǵanda ózderi jaıly durys aqparatty qaldyrmaıdy. Saldarynan ol adamdardy tabýǵa ýaqyt kerek», - deıdi qala ákiminiń orynbasary.
ıAǵnı, ákimdik baspana kezegi kelgen turǵyndardy izdep-taba almaǵandyqtan ýaqytynda baspana kiltin bermegen.
«Balanstaǵy 1,5 myń páterde adamdar turǵyn úı zańnamasyna saı turyp jatyr. Biraq, tekseris kezinde ákimdik ol baspanalarǵa tıesili qujattardy kórsetpegen. Qazirgi ýaqytta sybaılas jemqorlyqqa qarsy qyzmettiń usynysymen túgendeý júrgizilip jatyr. Búginge deıin turǵyndar zańsyz turyp jatqan 3 baspana anyqtaldy. Ol páterler sýbarendaǵa berilgen. Qazir kelisimsharttar qaıta qaralyp, bul páterler qaıtarylady. Turǵyn úı komıssııasynda bul másele qaralady.
Sybaılas jemqorlyqqa qarsy qyzmetpen qazirgi ýaqytta keshendi is-sharalar jospary quryldy. Bul alda osyndaı zańbuzýshylyqtarǵa jol bermeý úshin qolǵa alyndy», - dedi Asqar Habıbýlın.