Petopavlda er adam atys jaraqatynan kóz jumdy
26 aqpan kúni Petropavl qalasy polıtsııa basqarmasynyń «102» jedel arnasyna oblys ortalyǵyndaǵy kóńil kóterý oryndarynyń birinde er adamnyń atys jaraqatyn alǵany týraly habarlama kelip tústi
«28 jastaǵy er adam jedel járdem brıgadasymen aýrýhanaǵa jatqyzyldy, alaıda alǵan jaraqatynan qaıtys boldy.
Atalǵan fakti QR Qylmystyq kodeksiniń 99-babynyń 2-bóligi «adam óltirý» boıynsha sotqa deıingi tergep-tekserýlerdiń biryńǵaı tiziliminde tirkeldi», - dep jazdy aımaqtaǵy polıtsııa departamentinen.
Jedel-izdestirý is-sharalary barysynda osy qylmysty jasady degen kúdikpen Qyzyljar aýdanynyń 34 jastaǵy turǵyny ustaldy. Kúdikti Petropavl qalasy PB ýaqytsha ustaý ızolıatoryna qamaldy.
Birqatar qajetti saraptamalar taǵaıyndaldy. Tergeý áreketteri júrgizilýde.