Petıtsııany qalaı berýge bolady

<p>Mádenıet jáne aqparat mınıstrligi &laquo;Petıtsııa boıynsha jazbasha aryzdardyń nysanyn bekitý týraly&raquo; buıryqtyń jobasyn ázirlep, ashyq talqyǵa shyǵardy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Qujatqa saı, ótinish berý úshin memleket pen azamattyq qoǵamnyń ózara is-qımyly salasyndaǵy ýákiletti organǵa arnaıy tártip boıynsha ótinish berý qajet.

Onda myna derekter kórsetilýge tıis:

- tegi, aty, ákesiniń aty;
- jeke sáıkestendirý nómiri (JSN);
- naqty turǵylyqty mekenjaıy;
- tirkeýde turǵan jeriniń mekenjaıy;
- baılanys telefony.

Sondaı-aq ótinishte petıtsııa mazmuny men ataýy jazylýy tıis.

Buǵan qosa onda qujatty ınternet-resýrsqa ornalastyrýǵa ruqsat berý suralady.

Ótinishke tómendegi qujattar qosa beriledi:

- jeke kýáliktiń kóshirmesi;
- ókildiń tıisti ókilettikterin rastaıtyn qujattyń kóshirmesi (eger ótinish azamattyń zańdy ókili arqyly berilse).

Toqtala keteıik, bul rette ótinish berýshi usynylǵan aqparattyń durystyǵyn rastap, derbes derekterin óńdeýge kelisim beredi.

Osy kezeńde oǵan málimettiń naqtylyǵy úshin QR zańnamasyna sáıkes jaýapty bolatyny eskertiledi.

Munymen qatar, ınternet-resýrsta petıtsııaǵa qosylý týraly ótinishtiń úlgisi ázirlendi.

Onda da osy joba boıynsha ótinish joldaýǵa bolady.

«Elektrondy joldanymdar» aqparattyq-taldaý júıesi Qazaqstan Respýblıkasynyń azamattarmen petıtsııa joldaýǵa arnalǵan ınternet-resýrs retinde aıqyndalsyn», - delingen Ashyq NQA portalynda jarııalanǵan mınıstrdiń buıryq-jobasynda.

Atalǵan erejeler men tártipter 2024 jylǵy 4 sáýirden bastap qoldanysqa engiziledi.