Perýde jarty ǵasyr ishinde muzdyqtardyń jartysynan kóbi joıyldy

<p>Sársenbi kúni jarııalanǵan esep boıynsha, keıingi alpys jylda Perý tropıkalyq muzdyqtarynyń 56%-in joǵaltqan, oǵan klımattyń ózgerýi sebep boldy. Kazinform bul týraly <a href="https://www.reuters.com/business/environment/peru-glaciers-decimated-by-climate-change-report-2023-11-22/" target="_blank" rel="noopener">Reuters</a> agenttigine silteme jasap habarlaıdy.</p>

Esepte 2020 jylǵa deıin spýtnıkten túsirilgen sýretter paıdalanylǵan. 1962 jyly muz ben qar 2 399 sharshy shaqyrym jerdi alyp jatqan bolsa, keıingi sýretterde aýqymy 1050 sharshy shaqyrymǵa kishireıgen.

Aýa temperatýrasynyń joǵarylaýy muzdyqtardyń erýine jáne jańa shaǵyn taý múıisteriniń paıda bolýyna ákep soqty, dep habarlady Taý muzdyqtary men ekojúıeni zertteý ulttyq ınstıtýty.

«Jańa múıister bolashaqta sý rezervýaryna aınalýy múmkin, biraq bıikte ornalasqandyqtan, qaýip tóndiredi. Sebebi olar tolyp, tasýy yqtımal», - dedi Qorshaǵan orta mınıstrliginde muzdyqtardy zertteý dırektory Hesýs Gomes.

Esep boıynsha, Perýdiń 20 mıllıonǵa jýyq turǵyny muzdyqtardan aǵatyn sýdyń tikeleı nemese janama túrde paıdasyn kórip jatyr.

«Bul – sý qorynyń jartysynan kóbin joǵaltqanymyzdy bildiredi», - dedi Qorshaǵan orta mınıstri Albına Rýıs. Sondaı-aq ol muzdyqtardyń qaıtýy taý ekojúıesine áser etetinin atap ótti.