Perýde shahtaǵa jasalǵan shabýyldan toǵyz adam qaza tapty

<p>Perýde qarýly adamdardyń Patas provıntsııasyndaǵy shahtaǵa jasaǵan shabýyly saldarynan keminde 9 adam qaza taýyp, 15 adam jaralandy. Bul týraly senbi kúni eldiń Іshki ister mınıstrligi málimdedi, dep habarlaıdy <a href="https://kaz.inform.kz/news/turkstan-kalasinda-4-zhasar-balani-zdeuge-askeriler-zhumildirildi-4bccd5/Kazinform" target="_blank" rel="noopener">Kazinform</a> <a href="https://tass.ru/proisshestviya/19441765" target="_blank" rel="noopener">TASS</a> agenttigine silteme jasap.&nbsp;</p>

«Lıbertad aımaǵynyń Patas provıntsııasynda ornalasqan «Poderosa» taý-ken kompanııasynyń nysandaryna qarýly qylmyskerler toby kirip, kompanııanyń qaýipsizdigimen qaqtyǵysty, sonymen qatar tórt adamdy kepilge aldy», - delingen habarlamada. 

Vedomstvonyń málimetinshe, qylmyskerler shahta ishinde jarylǵysh zatty iske qosyp, nátıjesinde 9 adam qaza taýyp, taǵy 15 adam jaraqat alǵan. 

«Polıtsııa jaǵdaıdy baqylaýǵa aldy. Ázirge jeti qylmysker ustalyp, qarý-jaraq tárkilendi», - dep habarlady mınıstrlik. 

RPP radıostantsııasynyń habarlaýynsha, shabýyldy uıymdastyrdy dep Venesýelada shyqqan Tren de Aragýa qylmystyq toby kúdikke ilingen.