Perý prezıdenti para aldy dep aıyptalyp jatyr

<p>LIMA. KAZINFORM &ndash; Perý bas prokýratýrasy el prezıdenti Dına Bolýarteni para aldy dep aıyptap, onyń ústinen Kongresske konstıtýtsııalyq shaǵym joldady. Bul týraly <a href="https://www.reuters.com/world/americas/perus-president-faces-constitutional-complaint-rolex-case-2024-05-27/" target="_blank" rel="noopener">Reuters</a> agenttigi habarlady.</p>

Eger Kongress shaǵymdy qabyldasa, jaǵdaı prezıdenttiń otstavkaǵa ketýine ákelýi múmkin ekeni atap ótildi. Bolýartege qarsy tergeý 10 myńǵa jýyq fotosýretti taldaý nátıjesinde prezıdenttiń 14 qymbat saǵaty bar ekeni anyqtalǵan kezde bastaldy.

Prezıdent sondaı-aq bolat pen qyzǵylt altynnan jasalǵan Rolex saǵatyn taqqan, onyń quny 6000 dollardan 14000 dollarǵa deıin jetedi. Perý prezıdentiniń jalaqysy shamamen 11 myń dollar. Prezıdent Rolex saǵatynyń bar ekenin joqqa shyǵarmady jáne ony taǵý úshin basqa sheneýnikten alǵanyn aıtty.

Naýryz aıynyń sońynda prezıdent rezıdentsııasynda tintý júrgizgennen keıin Kongresstiń 25 múshesinen turatyn top Býlartege ımpıchment jarııalaý týraly tergeýdi bastady. Ol prezıdent rezıdentsııasyn tintýdi «proportsıonaldy emes jáne qorlaý sharasy» dep atap, otstavkaǵa ketýden bas tartty.

«Men qyzmetke taza qolmen keldim, 2026 jyly prezıdenttikten ketemin», – dedi ol.

Tintýdi Perý premer-mınıstri Gýstavo Adrıansen de synǵa aldy.