Perý ıspandyq munaı-gaz kompanııasyn sotqa berdi

LIMA. QazAqparat – Perý tutynýshylardyń quqyqtaryn qorǵaý agenttigi ıspandyq Repsol munaı kompanııasynan munaıdyń tógilýine baılanysty 4,5 mlrd dollar tóleýin talap etip otyr, dep habarlaıdy QazAqparat BBC News-ke silteme jasap.

15 qańtarda La-Pampıle qalasyndaǵy Repsol munaı óńdeý zaýytynda Mare Doricum tankeri júk túsirip jatqan kezde sýasty munaı qubyry arqyly munaı aǵyp ketti. Saldarynan Tynyq muhıtyna 10 myńnan astam barrel munaı aǵyp ketken. Ekologııalyq apat qorǵalatyn eki aýdan – Ankon qoryq aımaǵy jáne zańmen qorǵalatyn Gýmboldt pıngvınderi men teńiz qumyralary mekendegen Peskadores araldaryna zııanyn tıgizdi.

Sotqa aryzdanýshy kompanııadan qorshaǵan ortaǵa zııan tıgizgeni úshin 3 mlrd dollar jáne jergilikti turǵyndarǵa 1,5 mlrd dollar óteýin talap etti.

Repsol jaýapkershilikten bas tartyp otyr. Kompanııa bastapqyda munaıdyń tógilýine Tongadaǵy janartaý atqylaýynan týyndaǵan kenet tolqyndar sebep bolǵanyn málimdep, keıin oǵan munaı tankerine kiná taqty.

Foto: bbc.com