«Perronnan úıge deıin» qyzmeti taǵy eki baǵyttaǵy poıyzǵa qosyldy

<p>ASTANA. KAZINFORM &mdash; &laquo;Jolaýshylar tasymaly&raquo; AQ ıntermodaldyq tasymaldaý servısin jaqsartý maqsatynda 4 sáýirden bastap taǵy eki jolaýshylar poıyzynda transferdi iske qosady. Endi <strong>№71 &laquo;Shymkent&ndash;Astana&raquo; jáne №7508 &laquo;Kókshetaý&ndash;Astana&raquo;</strong> baǵytarynyń jolaýshylary elordanyń temirjol vokzalynan úıge deıin jaıly transfermen jete alady. Bul týraly &laquo;Jolaýshylar tasymaly&raquo; AQ baspasóz qyzmeti málimdedi.</p>

«Nurly jol» vokzalynyń № 1 kelý zalynda poıyz tolyq toqtaǵannan keıin transfer jolaýshylardy 15 mınýt ishinde kútedi. Sodan soń salonnyń tolýyna qaramastan jolǵa shyǵady. Avtobýs jolaǵyn paıdalanýǵa ruqsat etilgen transfer jolaýshylardy dittegen mekenjaıǵa deıin tez jetkizedi.

Qyzmettiń quny jolaýshylardyń barlyq sanattaryna qoljetimdi bolý úshin 850 teńge bolyp belgilengen.

«Ulttyq tasymaldaýshy jolaýshylarǵa barynsha qolaıly jaǵdaıdy qamtamasyz etýge umtylady. «Perronnan úıge deıin» qyzmeti iske qosylǵan sátten bastap ony 6 myńnan astam jolaýshy paıdalanǵan. Bul kórsetkish qyzmettiń jolaýshylar arasynda joǵary suranysqa ıe bolǵanyn rastaıdy. Búgin biz bul qyzmettiń múmkindikterin keńeıtip, ony taǵy da eki baǵytta iske qostyq» — dep atap ótti, «Jolaýshylar tasymaly» AQ Basqarma Tóraǵasy Jánibek Taıjanov.

Buǵan deıin bul qyzmet tek № 3 «Almaty–Astana», № 67 «Óskemen–Astana» jáne № 85 «Shymkent–Astana» jolaýshylar poıyzdarynda qoljetimdi bolǵan.

Transferge tapsyrys berý úshin azamattar jolaýshylar vagondarynda kórsetilgen QR kodyn skanerlep, ózine qajetti mekenjaıdy kórsetip, qyzmetke aqy tóleý kerek. Sonymen qatar, jolaýshylar vokzaldan úıge deıin transferdi https://uvu.kz/ktz veb-saıt arqyly ózdiginen tapsyrys bere alady.