Permdegi atys kezinde zardap shekkenderdiń arasynda qazaqstandyq stýdentter joq

NUR-SULTAN. QazAqparat – Perm memlekettik ulttyq zertteý ýnıversıtetindegi atys kezinde zardap shekken jáne qaza tapqan qazaqstandyq stýdentter joq. Bul týraly QR Syrtqy ister mınıstrliginen málim etti, dep habarlaıdy QazAqparat tilshisi.

«Qazan qalasyndaǵy QR Bas konsýldyǵynyń konsýldyq okýrgi boıynsha qazaqstandyq stýdentterdiń jalpy sany shamamen 5 myń adam. Al Perm memlekettik ulttyq zertteý ýnıversıtetinde 22 qazaqstandyq stýdent oqıdy. Ýnıversıtette bolǵan qaıǵyly oqıǵa saldarynan qaza tapqandar men zardap shekkenderdiń arasynda qazaqstandyq stýdentter joq», - dep atap ótedi vedomstvodan.

Keshe Reseıdiń Perm memlekettik ulttyq zertteý ýnıversıtetinde atys saldarynan 8 adam qaza tapty.