PepsiSo kompanııasy Almaty oblysyndaǵy jańa zaýytqa $160 mln jeke ınvestıtsııa salady
Negizgi másele – Memleket basshysy Qasym-Jomart Toqaev pen PepsiCo Prezıdenti Ramon Lagýarta arasynda qol jetkizilgen ýaǵdalastyqtardy iske asyrý. Almaty oblysynda «Lays» qytyrlaq kartoptary sekildi tuzdy jeńil taǵamdar óndiretin zaýyt salý jobasy talqylandy. Búgingi tańda snekter shyǵaratyn tolyqqandy jańa zaýytqa $160 mln kólemindegi sheteldik jeke ınvestıtsııalar bólindi.
Óndiristi lokalızatsııalaý jáne ınnovatsııalyq tehnologııalar transferi qazaqstandyq aýyl sharýashylyǵy ónimderin tereń óńdeýdiń jańa deńgeıine ótýge múmkindik beretinin atap ótken jón.
Bul – iske qosylǵannan keıin Ortalyq Azııadaǵy eń iri joba bolmaq. Zaýytty 2026 jyly iske qosý kózdelgen, onyń qýattylyǵy jylyna 16 myń tonnaǵa deıin daıyn ónimdi quraıdy, keıinnen 2027 jyldan bastap 21 myń tonnaǵa deıin ulǵaıtylady. Daıyn ónim Ortalyq Azııa naryǵyna jáne odan tysqary jerlerge jetkiziletin bolady. Qurylys kezeńinde myńǵa jýyq adam tartylady, al jobanyń ózinde 350-ge jýyq bilikti mamandarǵa arnalǵan jumys ornyn ashý josparlanyp otyr.
Davıd Manzını jobany júzege asyrý barysynda kompanııa negizinen jergilikti shıkizatty satyp alýǵa nıetti ekenin aıtty. Qazaqstandyq fermerlermen kartoptyń synaqtyq partııalaryn jetkizýge kelisimsharttar jasasý boıynsha jumys júrgizilip jatyr. 2026-2030 jyldary 50-66 myń tonnaǵa jýyq kartop satyp alý, keıinirek kólemdi odan ári ulǵaıtý josparda bar. Protsesterdiń tehnologııalyǵyn eskere otyryp, joǵary qaıta óńdeý deńgeıi qamtamasyz etiledi, al jańa ozyq ádister ekologııalyq turaqtylyq qaǵıdattaryna sáıkes kelýge múmkindik beredi. Osylaısha, jańa zaýyttyń qaldyqtary 100% qaıta óńdelip, kádege jaratylatyn bolady.
Kompanııa jobany qysqa merzimde iske asyrýǵa múddeli. Qazaqstanda qurylǵan qolaıly ınvestıtsııalyq ahýal qazirdiń ózinde jobany damytýdyń kelesi kezeńderin pysyqtaýǵa múmkindik beredi. Keıin PepsiCo ónimderdiń basqa da kóptegen túrin shyǵarý úshin zaýytty jańǵyrtýǵa taǵy da ınvestıtsııa salady.
Úkimet basshysy Oljas Bektenov bul jobanyń aýyl sharýashylyǵyn damytý, qazaqstandyq sharýalardyń tabysyn arttyrý jáne jalpy alǵanda ekonomıkany nyǵaıtý úshin mańyzdylyǵyn atap ótti, sebebi osyndaı aýqymdy ınvestıtsııalyq bastamalar Prezıdenttiń ekonomıkany ártaraptandyrý boıynsha alǵa qoıǵan maqsattaryna sáıkes keledi. Jobanyń azyq-túlik ónerkásibi men AÓK úshin mańyzdylyǵymen qatar, zaýyt qurylysy irgeles kólik, logıstıka, aýyl sharýashylyǵy ónimderin qaptaý jáne qaıta óńdeý salalaryna mýltıplıkatıvti áser etedi.
«AQSh – Qazaqstannyń mańyzdy ınvestıtsııalyq seriktesteriniń biri. Qazaqstan PepsiCo sekildi strategııalyq ınvestorlarmen uzaqmerzimdi yntymaqtastyqqa múddeli. Biz ınvestıtsııalardy qorǵaý boıynsha mindettemelerdi saqtaımyz jáne qajetti qoldaý kórsetýge daıynbyz», - dep atap ótti Oljas Bektenov.
Zaýyt Úkimettiń erekshe baqylaýyndaǵy basym ınvestıtsııalyq jobalar pýlyna engizilgen. Jalpy, osy jyldyń birinshi toqsanynyń qorytyndysy boıynsha pýl 122,5 myń jumys ornyn ashatyn, 32 trln teńgeni quraıtyn 704 jobadan turady.
Kezdesý qorytyndysy boıynsha taraptar Qazaqstannyń azyq-túlik áleýetin arttyrýǵa yqpal etetin jańa jobalardy júzege asyrý boıynsha ózara is-qımyldy keńeıtý jáne uzaqmerzimdi yntymaqtastyqty qurý nıetin rastady.
Anyqtama: PepsiCo – amerıkalyq tamaq ónerkásibi korporatsııasy, alkogolsiz sýsyndar men basqa da azyq-túlik ónimderin óndirýshi. AQSh – Qazaqstannyń mańyzdy ınvestıtsııalyq seriktesteriniń biri. Sońǵy eki onjyldyqta amerıkalyq bıznes Qazaqstan ekonomıkasyna $53 mlrd astam ınvestıtsııa saldy. QR-da Chevron, ExxonMobil, Pfizer, General Electric, Wabtec jáne basqa da álemdik iri kompanııalar túrli sektorlarda tabysty jumys istep jatyr.