Pentagonǵa beımálim ushatyn nysandar týraly júzdegen habarlama túsken

ASTANA. QazAqparat – Beımálim ushatyn nysandar týraly habarlamalardy baqylaý úshin jasalǵan Pentagonnyń jańa basqarmasyna «birneshe júz» jańa habarlama túsken, biraq ázirge bóten tirshilik týraly eshqandaı dálel joq, dep habarlaıdy QazAqparat CBS News-ke silteme jasap.

«Biz nysandardyń bóten tekti ekenine senýge ıtermeleıtin eshteńe kórmedik», - dedi AQSh qorǵanys mınıstriniń barlaý jónindegi orynbasary Ronald Moýltrı.

Bul qubylystar AQSh-tyń ulttyq qaýipsizdigine qaýip tóndiredi me degen suraqqa Barlyq salalardaǵy aýytqýlardy sheshý basqarmasynyń (All-domain Anomaly Resolution Office, AARO) basshysy doktor Shon Kırkpatrık «ıá» dep jaýap berdi. AARO osy jyldyń shildesinde quryldy. Basqarma aspandaǵy, sý astyndaǵy, ǵaryshtaǵy belgisiz nysandardy baqylaıdy jáne izdeıdi. 2021 jyldyń maýsymynda ulttyq barlaý dırektorynyń keńsesi 2004-2021 jyldar aralyǵynda belgisiz nysandarǵa144 baqylaý jasalǵanyn, olardyń 80-i birneshe datchıktermen bekitilgeni aıtyldy.

Foto: Ivan Cholakov/ FOTODOM