Pentagon bıologııalyq qaýipterden qorǵaıtyn jańa sýperkompıýterdi tanystyrdy

<p>ASTANA. KAZINFORM &ndash; AQSh vedomstvolarynyń habarlaýynsha, sýperkompıýter men jańa Jedel áreket etý zerthanasy jańa dári-dármekter men vaktsınalardy jyldam jasaýǵa jáne synaqtan ótkizýge múmkindik beredi, dep habarlaıdy <a href="https://www.golosameriki.com/a/u-s-dedicates-new-supercomputing-system-to-bolster-global-biodefense-efforts-/7745051.html" target="_blank" rel="noopener">Amerıka daýysy</a>.&nbsp;</p>

AQSh Qorǵanys mınıstrligi men Ulttyq ıadrolyq qaýipsizdik basqarmasy bıologııalyq qaýipterden qorǵaýǵa arnalǵan jańa sýperkompıýterdi tanystyrdy.

Bul bastama – densaýlyq saqtaý jolynda paıda bolatyn qaýiptermen kúresý úshin ozyq tehnologııalardy qoldanýdaǵy mańyzdy qadam.

Keshen AQSh Energetıka mınıstrliginiń qurylymy aıasynda qyzmet etip júrgen Kalıfornııadaǵy zertteý kesheni – Loýrens atyndaǵy Lıvermor ulttyq zerthanasynda ornalasady. 

Pentagon saıtynda habarlanǵandaı, sýperkompıýter álemdegi eń qýatty sýperkompıýter El Capitan-dy ázirleý úshin qoldanylǵan aldyńǵy qatarly tehnologııalardy paıdalana otyryp jasalǵan. 

Vedomstvolar kompıýterdiń tehnıkalyq bólikterin atamady, onyń jumysy úshin AMD kompanııasy shyǵarǵan MI300A protsessory paıdalanylatyny ǵana belgili. 

Pentagon men Ulttyq ıadrolyq qaýipsizdik basqarmasynyń atap ótýinshe, bul júıe AQSh-tyń ulttyq qaýipsizdigin qoldap qana qoımaı, halyqaralyq seriktester men zertteýshiler úshin de paıdaly bolady. Úlken esepteý múmkindikteri memlekettik vedomstvolarǵa, akademııalyq ınstıtýttar jáne ónerkásiptik kásiporyndarǵa qoljetimdi bolady.