Pentagon basshysy Lloıd Ostın qaterli dertke shaldyqty

<p>Respýblıkashylar ımpıchment jarııalaýdy talap etip otyrǵan AQSh Qorǵanys mınıstri Lloıd Ostınnen qýyqasty bezi qaterli isigi anyqtyldy. <a href="https://kaz.inform.kz/" target="_blank" rel="noopener">Kazinform </a>bul týraly <a href="https://www.nbcnews.com/politics/white-house/defense-secretary-lloyd-austin-diagnosed-prostate-cancer-rcna133120" target="_blank" rel="noopener">NBC News</a>-ke silteme jasap habarlaıdy.&nbsp;</p>

Pentagonnyń baspasóz hatshysy general-maıor Pet Raıder 70 jastaǵy Lloıd Ostın 22 jeltoqsanda jasalǵan hırýrgııalyq otadan keıin derti asqynyp Ýolter Rıdtiń Ulttyq áskerı medıtsınalyq ortalyǵyna 1 qańtarda jatqyzylǵanyn habarlady.

Bastapqy tekserýde Lloıd Ostınniń zár shyǵarý joldarynda ınfektsııa bar ekeni anyqtaldy jáne 2 qańtarda ony muqııat baqylaý jáne durys kútim jasaý úshin qarqyndy terapııa bólimine aýystyrý týraly sheshim qabyldandy.

Ótken aıda odan prostata skrınıngi kezinde ádettegi zerthanalyq taldaý alynyp qýyqasty obyry dıagnozy qoıyldy.

Resmı tulǵalar seısenbi kúni Lloıd Ostınniń ınfektsııasy joıylǵanyn jáne ol jazylyp kele jatqanyn aıtty, biraq qalpyna kelý úshin ýaqyt qajet. Áskerı bólim ókilderiniń aıtýynsha, Lloıd Ostın búkil álemniń Qorǵanys mınıstrlikteriniń jumysyn qadaǵalap otyrý jumysyn jalǵastyryp jatyr jáne óz mindetin belsendi atqaryp júr.

Lloıd Ostınniń aýrýhanaǵa jatqyzylǵany týraly aqparatty Aq úı men Qorǵanys mınıstrliginiń negizgi tulǵalaryna habarlaý úshin Qorǵanys mınıstrligine úsh kún qajet bolǵan. Ákimshiliktiń joǵary shendi múshelerin uzaq ýaqyt habardar etpegenin Qarýly kúshter basshysy synǵa aldy. Ókilder palatasynyń respýblıkashysy Mett Rozendeıl tipti Lloıd Ostınge qarsy ımpıchment máselesin bastaýǵa nıetti.

Pentagon zańgerleri AQSh pen Kongress basshylaryna eskertilmeýi qandaı da bir zań buzýshylyqqa jata ma, joq pa –tekseredi.

Palatanyń Qarýly Kúshter komıtetiniń tóraǵasy Maık Rodjers (Alabama shtaty) seısenbide Lloıd Ostınniń aýrýhanaǵa jatqyzylǵany ashyq aıtylmaǵanyna qatysty resmı tergeý jarııalady.

Qýyqasty beziniń qaterli isigi amerıkalyq erler arasynda eń kóp taraǵan isik túri, oǵan árbir 8 er adamnyń 1-eýi jáne árbir 6 afroamerıkalyqtyń da 1-eýi shaldyǵady.