Pensılvanııada úıdegi jarylystan 4 adam qaza taýyp, bireýi iz-túzsiz joǵaldy

GARRISBERG. QazAqparat – Batys Pensılvanııada senbi tańerteń úıde jarylys bolyp, tórt adam qaza tapty jáne bireýi iz-túzsiz joǵaldy, saldarynan taǵy birneshe úı qırady, dep habarlaıdy QazAqparat ABC News-ke silteme jasap.

Resmı tulǵalardyń aıtýynsha, oqıǵadan úsh adam zardap shegip, bireýi jergilikti aýrýhanaǵa jetkizilgen. Bir naýqas aýyr halde jatyr, al eki adam qajetti em alyp, aýrýhanadan shyǵaryldy.

Pensılvanııadaǵy aýa raıynyń qubylmaly bolýynan bir kúnge qalpyna keltirý jumystary toqtatyldy. Jumystar jeksenbi tańerteń qaıta bastaldy.

Úıdegi jarylys pen órt týraly qońyraý jergilikti ýaqyt boıynsha tańǵy saǵat 10:22 shamasynda jedel járdem qyzmetine tústi.

Allegeını okrýginiń baspasóz qyzmetiniń habarlaýynsha, bir úı jarylyp, qalǵan ekeýi jarylys saldarynan órtenip ketken.

Úsh ǵımarat qırady, taǵy onnan astamy búlingen, terezeleri synǵan.

Qutqarýshylar úıindiler astynda qalǵan adamdardy tapty.

Órttiń sebebi anyqtalýda. Jergilikti polıtsııa bul oqıǵany tekserip jatyr.