Pedro Eýjenıo «Tobyl» fýtbol komandasy quramyna qosyldy

<p>ASTANA. KAZINFORM &ndash; Qostanaılyq &laquo;Tobyl&raquo; fýtbol komandasy quramyna portýgalııalyq jartylaı qorǵaýshy Pedro Eýjenıo qosyldy.</p>

Qostanaılyq klýbtyń baspasóz qyzmeti Pedro Eýjenıomen kelisimshartqa otyrǵanyn habarlady.

Eýjenıo qazaqstandyq fýtbol jankúıerlerine jaqsy tanys. Ol buǵan deıin elimizde «Jetisý», «Taraz», «Astana» jáne «Atyraý» sapynda oıyn kórsetti. «Astana» quramynda chempıonattyń úzdik bombardıri atandy.

Premer-lıgada barlyǵy 73 match ótkizip, 32 gol soǵyp, 16 nátıjeli pas berdi.

Tájirıbeli fýtbolshy óz eliniń «Sportıng» jáne «Benfıka» jastar komandalarynda oınady. Portýgalııanyń jasóspirimder quramasynda bes match ótkizgen.

Aıta ketsek, budan buryn Serbııalyq maman Mılıch Chýrchıch qostanaılyq «Tobyl» komandasy bas bapkeri qyzmetinen ketti.

Onyń ornyna bas bapkerdiń mindetin qazaqstandyq maman Nurbol Jumasqalıev atqarady.