Pedofılge jeńil jaza kesken sýdıa jańa qyzmetke taǵaıyndaldy

<p>Saryaǵashta 5 jasar qyzdy zorlaǵan pedofılge jeńil jaza kesken sýdıa, jańa qyzmetke taǵaıyndaldy. Buǵan deıin aýdandyq sottyń tóraǵasy qyzmetin atqarǵan Nurǵazy Shetenov endi ózi basqarǵan sottyń sýdıasy boldy, dep habarlaıdy kazinform.</p>

«Joǵarǵy Sot Keńesiniń usynysy negizinde Qazaqstan Respýblıkasy Prezıdentiniń 2023 jylǵy 6 qazandaǵy № 367 Jarlyǵymen Nurǵazy Shetenov Saryaǵash aýdandyq sotynyń tóraǵasy qyzmetinen bosatylyp, osy sottyń sýdıasy qyzmetine qaıta taǵaıyndaldy», - dedi Túrkistan oblystyq sotynyń baspasóz hatshysy Áset Serikbaev. 

Aıta keteıik, aýlada oınap júrgen 5 jasar Erkejan Nurmahandy kórshisi úıine aldap kirgizip, keıin zorlap, birneshe ret pyshaqtap óltirgen bolatyn. Kisi qolynan kóz jumǵan 5 jasar búldirshinniń denesi jer qoınyna tapsyryldy.

Eske salaıyq, Prezıdent Bas prokýratýra men ІІM-ne qaıǵyly oqıǵanyń mán-jaıyn muqııat tekserýdi tapsyrǵan bolatyn. Jýyrda 48 jastaǵy pedofıl qylmysy úshin ómir boıyna bas bostandyǵynan aıyryldy. Sottalýshy buryn adam óltirgeni úshin de 10 jyl jazasyn ótegen. Al bıyl kóktemde ol taǵy bir adamnyń basynan baltamen urǵanyna qaramastan, jergilikti sot ony shartty túrde bosatyp jibergen.