Pedofıldyń qylmysyn jasyrǵan ata-ana da jazalanady – Bas prokýratýra

NUR-SULTAN. QazAqparat – Pedofıldik qylmysty jasyrǵan ata-ana 6 jylǵa sottalýy múmkin. Aýyr qylmystar úshin jazany qataıtý týraly zań jobasyn tanystyrǵan QR Bas prokýrorynyń orynbasary Marat Ahmetjanov osyndaı málimet aıtty, dep habarlaıdy QazAqparat tilshisi.

«Qazirgi zańda sybaılas jemqorlyq qylmystary men terrorıstik akt daıyndalyp jatqanyn nemese jasalǵanyn jasyryp qalǵany úshin qylmystyq jaza qarastyrylǵan. Endi kámeletke tolmaǵandardyń jynystyq tıispeýshiligine qarsy jasalǵan qylmystardyń dálelin jasyrý nemese qoldan jasaý áreketteri de jaýapkershilik arqalaıtyn bolady. Pedofılııanyń aýyr faktileri týraly habarlamaǵandar da jazaǵa tartylady. Bul aýyr qylmysqa 6 jylǵa bas bostandyǵynan aıyrý jazasy qoldanylady. ıAǵnı, ol jaýapkershilik balalarǵa seksýaldyq zorlyq jasaý faktilerin jasyryp qalǵan mamandandyrylǵan balalar mekemesiniń qyzmetkerleri men basshylyǵyna artylady. Dál osyndaı jaýapkershilik balanyń asyraýshysy men ata-anasyna da júkteledi», - dedi Marat Ahmetjanov.