Pedofılderge xımııalyq kastratsııa birneshe ret jasalady - Bas prokýratýra
«Qazirgi zańnamada pedofılderdi baqylaý sharalary kúsheıtilip otyr. Biz olardy únemi baqylaıtyn bolamyz. Dárigerler ondaı adamdardyń jynystyq ózgeristerin jiti qadaǵalaıdy. Mysaly, ony túrmeden bosatty deıik. Eger odan qandaı da bir qaýip bolsa, onda xımııalyq kastratsııany taǵy jasaıtyn bolady», - dedi M.Axmetjanov Astanada ótken baspasóz máslıxatynda.
Aıta keteıik, Bas prokýrordyń orynbasary 5 myń adamdy túrmeden bosatýǵa qatysty túsinik berdi.
«Búginde áleýmettik jelilerde shyndyqqa janaspaıtyn aqparattar taralýda. «Aýyr qylmys jasaǵan 5 myń adam bostandyqqa shyǵady. Olar zorlyq jasaǵan, adam óltirgen, qaraqshylyq jasaǵandar» deıdi. Buqaralyq aqparat quraldaryna da jańalyqtar shyqty. Bunyń barlyǵy shyndyqqa janaspaıdy. Bireýler máseleniń anyq-qanyǵyna mán bermedi, endi bireýler sensatsııa jasaımyz dep, solaı berdi. Sonyń saldarynan qoǵam ol jańalyqty durys túsinbeı qaldy», - dep atap kórsetti M.Axmetjanov.
Onyń aıtýynsha, 5 myń adamnyń ishinde qaraqshylar, pedofılder, zorlyq jasaǵandar, adam óltirgender joq.