Pedofılderdi ótirik pornosaıttar arqyly ustaýǵa bolady - Bas prokýratýra

ASTANA. QazAqparat - Bas prokýratýra pedofılderdi quryqtaý maqsatynda ǵalamtordyń múmkindikterin keńinen paıdalanýdy usynyp otyr, dep xabarlaıdy QazAqparat tilshisi.

"Máselen, osydan úsh jyl buryn AQSh-ta eki-aq aptanyń ishinde federaldyq tergeý agenttigi arnaıy porno saıt arqyly 5 000-ǵa jýyq qylmyskerdi ustady. Norvegııada saıttardyń basym bóliginde qyzyl bastyrma bar. Ǵalamtorda otyrǵan balaǵa bireý sóz aıtyp, seksýaldyq sıpattaǵy áreket jasasa, bala birden sol bastyrmany basyp, qylmystyq tergeý qyzmetiniń paraqshasyna kóshe alady. Sol jerde aryz-shaǵym qaldyrýǵa bolady", - deıdi Bas prokýrordyń orynbasary Andreı Kravchenko.

Onyń aıtýynsha, Qazaqstanda álemdik tájirıbeni paıdalanyp, ótirik pornosaıttar arqyly pedofılderdi quryqtaýǵa ábden bolady. Oǵan qyrýar qarjynyń qajeti de joq.