Pedagogterdi attestattaýdy avtomattandyrý: Ulttyq platforma ázirlenip jatyr

<p>Pedagogterdi attestattaýǵa jáne biliktilikti arttyrý júıesine qoıylatyn talaptar qaıta qaralyp jatyr, dep habarlaıdy QR Oqý-aǵartý mınıstrliginiń baspasóz qyzmeti.</p>

Ulttyq platforma negizinde muǵalimderdi attestattaý protsesi avtomattandyrylady. Bul – obektıvtilik pen ashyqtyqty aıtarlyqtaı arttyrady. Endi muǵalimniń qyzmeti týraly barlyq aqparat onyń jeke kabınetinde jınaqtalady.

«Muǵalimniń eńbegi oqýshynyń jetistigimen baǵalanýy kerek. Shákirtteri shyńǵa shyqqan pedagogter tıisti aılyǵy men marapatyn alýy tıis. Taǵy bir aıta ketetin jaıt, ustazdyq qyzmetke alǵash kelgenderdiń nemese jumys ótilinde úzilisi bar pedagoterdiń sanaty olardyń paıdasyna qaıta qaralady. Ulttyq platforma arqyly pedagogterdi jumysqa qabyldaý rásimin tolyq avtomattandyrý josparlanýda. Biz bala oqytýǵa jan-tánimen berilgen, myqty, óz isine jaýapty ustazdardy tartý úshin bar jaǵdaıdy jasaýymyz kerek", - dedi Oqý-aǵartý mınıstri Ǵanı Beısembaev ShQO turǵyndarymen kezdesýde.

2024 jyldyń qańtarynda Platforma Shyǵys, Batys, Soltústik jáne Túrkistan oblystarynda pılottyq rejımde iske qosylmaq.