Pedagogtardyń biliktilik kýrstaryn óz qarajaty esebinen ótýine jol bermeý qajet - Toqaev
«Bilim berý júıesine yntaly jáne bilikti pedagogtar qajet. Muǵalimderdi qaıtadan oqytýdy 5 jylda emes 3 jylda bir ret ótkizý talap etiledi dep oılaımyn. Óıtkeni, olar jańa bilimdi tasymaldaýshy, naǵyz aǵartýshy bolýy tıis. Buǵan qosa, pedagogtardyń kýrstardy óz qarajaty esebinen ótýine jol bermeý qajet», - dedi Memleket basshysy.
QR Prezıdenti mektepterdi oryn jetpeý de orta bilimdegi ótkir problemalardyń biri bolyp turǵanyn basa aıtty.
«Tapshylyq 225 myń oryndy quraıdy. Eger shuǵyl is-sharalar qabyldamasaq, 2025 jylǵa qaraı ol 1 mıllıon orynǵa jetýi múmkin. Buǵan deıin 2025 jyldyń sońyna qaraı keminde 800 mektep salý týraly tapsyrma bergen bolatynmyn. Búgin bul tsıfrdy bir myńǵa deıin jetkizý tapsyrmasyn beremin», - dedi Qasym-Jomart Toqaev.