Pedagogtardy qoldaýǵa qatysty barlyq jumys jalǵasady - mınıstr
«Kásibı damýdyń úzdiksizdigi qaǵıdaty engizilip jatyr. 2023 jyldan bastap pedagogtarymyzdy úsh jylda bir ret tegin kýrstan ótkizemiz. Mamandyqqa mektepterdiń eń tabysty, úzdik túlekteri kele bastady. Mektepterdi úzdik bitirgen túlekterdiń úlesi birneshe ese ósti. Prezıdenttiń tapsyrmasymen keıbir óńiregi muǵalim tapshylyǵy máselesin sheshý úshin osy jyly ǵana óte jaqsy jobany iske qostyq. Osy jobanyń operatory sanalatyn Nazarbaev zııatkerlik mektepterin belsendi jumyldyrdyq. Arnaıy joba arqyly pedagogıkalyq kadrlardyń tapshylyǵy baıqalatyn óńirlerimizdi úzdik pedagogtarmen qamtamasyz etik jáne olar basqa jalaqy alady. Atap aıtqanda, olarǵa basqa pedagogtarǵa qaraǵanda 2,5 ese kóp jalaqy tólenedi. Menińshe, bul baǵdarlama shalǵaıdaǵy eldi mekenderde jáne belgili bir aımaqtarda muǵalimderdiń tapshylyǵyna baılanysty máseleni sheshýge múmkindik beredi», - dedi mınıstr TMD-ǵa múshe elder muǵalimderi men basqa da bilim berý qyzmetkerleriniń VII sezinde.
Ashat Aımaǵambetov Qazaqstan Prezıdenti óz Joldaýynda mınıstrlik aldyna qosymsha tapsyrma bergenine de toqtaldy.
«Naqtyraq aıtqanda, pedagogtardyń kásiptik standartyn, pedagogıkalyq joǵary oqý oryndaryn akkredıtteýdiń biryńǵaı standartyn qabyldaýymyz, tárbıeshilerdiń jalaqysyn aıtarlyqtaı arttyryp, olarǵa júktemeni tómendetýmiz qajet. ıAǵnı, pedagogterdi qoldaýǵa qatysty barlyq jumys jalǵasa beredi. Pedagogtardy sapaly daıyndaý úshin pedagogıkalyq bilim berý baǵdarlamalaryn akkredıtteýdiń arnaýly standarty qajet», - dedi ol.