Pedagogıkalyq sheberlik ortalyǵy álemniń úzdik TOP-10 joba qataryna kirdi

ASTANA. QazAqparat – Pedagogıkalyq sheberlik ortalyǵy muǵalimderdiń jumys tıimdiligin arttyrýda álemdik úzdik jobalardyń TOP-10-dyǵyna kirdi. Bul jaıynda Úkimet basshysy Álıhan Smaıylovtyń Májilis depýtattarynyń saýalyna bergen jaýabynda aıtylǵan, dep habarlaıdy QazAqparat tilshisi.

«Qazirgi ýaqytta «Órleý» ulttyq biliktilik arttyrý ortalyǵy» AQ pen «Nazarbaev zııatkerlik mektepteri» avtonomdy bilim berý uıymynyń Pedagogıkalyq sheberlik ortalyǵy ACQUIN halyqaralyq ınstıtýtsıonaldy akkredıtatsııadan ótip jatyr. Buǵan qosa, Pedagogıkalyq sheberlik ortalyǵy muǵalimderdiń jumys tıimdiligin arttyrý jónindegi UNESCO-Hamdan-2020 álemdik úzdik jobalardyń TOP-10-dyǵyna kirdi», - dep atap ótedi Álıhan Smaıylov jaýabynda.

Onyń atap ótýinshe, pedagogterdiń biliktiligin arttyrý kýrstarynyń baǵdarlama mazmuny pándik, psıhologııalyq-pedagogıkalyq , áleýmettik, tsıfrlyq jáne ózge de quziretteriniń ońtaıly ózara qatynasyn qamtıdy.

Olar pedagogke «Pedagog» kásiptik standarttaryna saı barlyq pedagogıkalyq qyzmetti júzege asyrý úshin qajet.

«Oqý-aǵartý mınıstrligi pedagogterdi attestattaý máselesi boıynsha maqsatty jumys júrgizedi. Ǵylym jáne joǵary bilim mınıstrligimen ulttyq biliktilik testerin sarapshy-ázirleýshilerdiń sapaly áleýetin kúsheıtý boıynsha is-sharalar qabyldap jatyr», - dep atap ótedi Úkimet basshysy.