Pedagog mamandyǵyn tańdaǵan talantty balalar sany artty
Bul týraly «Bilim jáne ǵylym – eldiń turaqty damýynyń kepili» taqyrybyndaǵy pedagogterdiń Respýblıkalyq tamyz konferentsııasynyń plenarlyq sessııasynda QR Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.
«Pedagog mártebesi týraly» Zań pedagog baǵytyna oqýǵa túsetinder deńgeıine óte jaqsy yqpal etti. Osy mamandyqty tańdaıtyn talantty balalar sany artty. Bıyl pedagogıkalyq baǵyttar boıynsha 9 066 grant taǵaıyndaldy. Ortasha ball 75-ke deıin artqanyna qaramastan, balalar kelip jatyr. Konkýrsqa 19 133 adam qatysty. Olardyń arasynda bir myńǵa jýyq talapker 130-dan astam ball jınaǵan. Shyn máninde úzdik talapkerler pedagog mamandyǵyn tańdaı bastady», - A. Aımaǵambetov.
Mınıstrdiń sózine qaraǵanda, olardyń ishinde 20 paıyzǵa jýyǵy «Altyn belgi» ıegerleri bolyp otyr. Bıyl oqýǵa túskenderdiń ortasha baly da kúrt ósken.
Budan buryn habarlanǵandaı, bıyl pedagogtardyń quqyqtaryn buzý týraly júzden astam ótinish qaraldy.
2022 jyldyń qańtarynda balabaqsha men mektep, kolledj pedagogtarynyń jalaqysy 25 paıyzǵa ósedi.