Pedagog kún saıyn eki qujatty ǵana toltyrýǵa mindetti

NUR-SULTAN. QazAqparat – Pedagogtardan artyq esepti talap etkeni úshin 50-den astam bilim berý uıymynyń basshysy jazalandy. Bul týraly QR Bilim jáne ǵylym mınıstri Ashat Aımaǵambetov aıtyp berdi, dep habarlaıdy QazAqparat tilshisi.

«Bul baǵytta batyl sharalar qolǵa alyndy. Zań qabyldandy, norma naqty bekitildi, zańǵa qosymsha normatıvtik-quqyqtyq qujattar qabyldandy. Qazir barlyq protsesterdi retteýdiń naqty tetikteri bar. Qazir biz pedagogtyń kún saıyn eki qujatty ǵana toltyrýǵa mindetti ekenin bekittik, olar – synyp jýrnaly, qazir ony kópshiligi elektrondy túrde toltyrady jáne sabaq jospary. Odan basqa qujattardy muǵalim kúndelikti toltyrýǵa mindetti emes. Jylyna bir ret kúntizbelik-taqyryptyq jospar daıyndalady», - dedi A. Aımaǵambetov Ortalyq kommýnıkatsııalar qyzmetinde ótken brıfıngte.

Sondaı-aq, mınıstr pedagogtan artyq esep suraý boıynsha shaǵymdar kelip túskenin jáne naqty sharalar qabyldanǵanyn aıtty.

«Bıylǵy jyldyń ózinde osy normany buzý boıynsha bilim berý uıymdarynyń 50-den astam basshysy jazalandy», - deıdi Bilim mınıstri.