Pedagog quqyǵyn buzǵan bilim salasynyń 30-ǵa jýyq basshysy jazalandy - mınıstr

NUR-SULTAN. QazAqparat - Pedagog quqyǵyn buzǵan bilim salasynyń 30-ǵa jýyq basshysy jazalandy. Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Muǵalim kúndelikti 2 qujatty ǵana toltyrýy tıis. Qalǵan qujattardyń barlyǵynan áriptesterimizdi bosattyq. Bul buıryqty buzǵandarǵa ákimshilik jaýapkershilik kózdelgen. Bul erejeni buzǵan basshylardy nemese ózge de laýazymdy tulǵalardy qatań jazalaıtyn bolamyz. Qysqa ǵana ýaqyttyń ishinde shamamen 30 basshyny jazalap, olardy ákimshilik nemese tártiptik jazaǵa tarttyq», - dedi mınıstr pedagogtar men bilim jáne ǵylym salasy qyzmetkerleriniń respýblıkalyq tamyz keńesi barysynda.

Sonymen qatar mınıstr muǵalimniń quqyǵyn buzǵan ata-analardyń da jaýapqa tartylatyndyǵyn eskertti.

«Bul jumystardyń barlyǵy da jalǵasatyn bolady», - dep atap ótti Ashat Aımaǵambetov.