P.Diddy-di sotqa bergenderdiń sany kóbeıdi

<p>ASTANA. KAZINFORM &mdash; Nıý-Iork federaldy sotynda P.Diddy degen atpen tanymal amerıkalyq mýzykalyq prodıýser jáne reper Shon Kombsqa &laquo;zorlaý jáne qýdalaý&raquo; boıynsha alty jańa aıyp taǵyldy. Bul týraly &laquo;<a href="https://apnews.com/article/sean-combs-diddy-sexual-assault-lawsuits-sex-trafficking-6349f77fa3a5fb1cc4030d7abd65ccba" target="_blank" rel="noopener">Associated Press</a>&raquo; habarlady.</p>

Sotqa bergenderdiń biri ony 16 jasynda zorlaǵanyn aıtady. Keıbir epızodtar P.Diddy-diń «aq keshter» dep atalatyn keshterinde ótti degen boljam bar.

Barlyq alty talap-aryz qaýipsizdik maqsatynda anonımdi túrde berilgen. Belgilisi, onyń ekeýin áıel, taǵy tórteýin er adam bergen.

Olar Shondy «dańqyn paıdalanyp» zorlyq-zombylyq jasady dep aıyptady.

Keıbir shaǵymdanýshylardyń aıtýynsha, reper onyń talabyn oryndaýdan bas tartqandardy nemese oǵan kópshilik aldynda qarsylyq kórsetýdi josparlaǵandardy «óltiremin» dep qorqytqan.

Advokat Tonı Bazbı qazannyń 2-si kúni P.Diddi-ge qarsy 120 adam sotqa shaǵym túsirgenin, olardyń 25-i zorlyq-zombylyq kezinde kámeletke deıingi jasta bolǵanyn habarlady.

Qorǵaýshylardyń aıtýynsha, keıbir jaǵdaılarda keshterde jábirlenýshilerdiń sýsyndaryna belgisiz zattar, sonyń ishinde esirtki aralastyrylǵan. Sot protsesteri 1991 jyldan bergi zorlyq-zombylyq isterin qamtıdy.

18 qyrkúıekte 54 jastaǵy Shon Kombsqa «iri kólemdi qylmystyq is», adam saýdasy jáne taǵy birneshe qylmys jasady» degen aıyp taǵyldy.

Ol qamaýǵa alyndy jáne Brýklındegi federaldy túrmede otyr. Reper barlyq aıyptardy joqqa shyǵarýda.