Paıdaly qazbalardy óndirýshilerden 160 mlrd teńge salyq tústi – Kirister komıteti

<p>ASTANA. KAZINFORM &ndash; Byltyr paıdaly qazbalardy óndirýge salyq stavkalary kóterildi. Jyldyń nátıjesinde bıýdjetke 160 mlrd teńge salyq óndirildi.&nbsp;</p>

Bul týraly Qarjy mınıstrligi memlekettik kirister komıteti mamandandyrylǵan departamentiniń dırektory Álibek Ibraıym málim etti.

«Bizdiń komıtet tarapynan jer qoınaýyn paıdalanýshylarǵa erekshe nazar aýdarylýda. Qazirgi tańda 5 myń astam jer qoınaýyn paıdalanýshylar komıtettiń qadaǵalaýynda. Olardyń ishinde munaı-gaz sektory – 205, taý-ken sektory – 1 309, keń taralǵan paıdaly qazbalar – 1 277, jer asty sýlary – 2 392. Byltyr 1 qańtardan paıdaly qazbalardy óndirýge salyq stavkalary kóterildi. Sol arqyly bıýdjetke 160 mlrd teńge óndirildi», - dedi Álibek Ibraıym komıtette ótken baspasóz máslıhatynda.

Odan bólek, spıkerdiń qosymsha salyqtyq ákimshilendirý aıasynda bıýdjetke 560 mlrd teńge tústi. 

«Bıyl jer qoınaýyn paıdalanýshylarǵa transferttik baǵa aıasynda zańǵa tıisti ózgerister men tolyqtyrýlar engizilip jatyr. Ol ózgerister 2019 jyldan beri ázirlenip kele jatyr. Qazir zańnama parlamenttiń qaraýynda», - deıdi ol.