Paıdaly qazbalardy óndirýshi kompanııa Baıanaýyldaǵy jerdi óz betinshe ıelenip alǵan

<p>PAVLODAR. KAZINFORM - Pavlodar oblysynda memlekettik jerlerdi óz betinshe ıelenip alǵan jeke kompanııa anyqtaldy. Óńirlik jer resýrstaryn basqarý departamentiniń uıǵarymy boıynsha kásiporynǵa 100 aılyq eseptik kórsetkish mólsherinde aıyppul salyndy.</p>

Bul týraly QR Aýyl sharýashylyǵy mınıstrliginen habarlady.

«Pavlodar oblysynyń Jer resýrstaryn basqarý departamenti Baıanaýyl aýdany Aleksandrovka aýylynyń turǵynynyń ótinishi jáne jer qatynastary bóliminiń haty negizinde tekserýge bastama jasady. Tekserý barysynda JShS-ǵa paıdaly qazbalardy óndirýge arnalǵan kelisimshart boıynsha jer qoınaýyn paıdalaný quqyǵy berilgeni anyqtaldy. Alaıda kompanııa jer paıdalaný quqyǵyn resimdeý úshin jergilikti atqarýshy organǵa júginbegen. Osylaısha QR Jer Kodeksiniń 43-baby 10-tarmaǵynyń talaptaryn buzdy», - dep málimdedi mınıstrliktiń baspasóz qyzmetinen.

Atalǵan fakti boıynsha tekserý sýbektisine 1 aı merzimge uıǵarym berildi. Ol 100 aılyq eseptik kórsetkish mólsherinde aıyppul salýmen ákimshilik jaýapkershilikke tartyldy. Mınıstrlikten eskertkendeı, QR «Ákimshilik quqyq buzýshylyq týraly» Kodeksiniń 136-babyna sáıkes, atalǵan áreket jerge memlekettik menshik quqyǵyn buzý retinde qarastyrylyp otyr.

Buǵan deıin prokýratýra Pavlodar oblysynyń agroónerkásip kesheni boıynsha memleketke 500 mln teńge shyǵyn kelgenin anyqtaǵan edi