Paıdalanylmaıtyn jerdi memlekettik menshikke qaıtarýǵa qatysty sharalar qabyldanyp jatyr
«Halyqty jaıylymdyq alqaptarmen qamtamasyz etý máselesin sheshý maqsatynda Mınıstrlik paıdalanylmaıtyn jerlerdi memlekettik menshikke qaıtarý boıynsha turaqty negizde sharalar qabyldaýda. 2021 jylǵy 1 qańtardan bastap barlyq jerde aýyl sharýashylyǵy jerlerin paıdalanýdyń ǵaryshtyq monıtorıngi engizildi. Ǵaryshtyq monıtorıngtiń aldyn ala nátıjeleri boıynsha búkil respýblıka boıynsha 22,4 mln gektar aýyl sharýashylyǵy jeri, onyń ishinde 1,1 mln gektar egistik jáne 21,3 mln gektar jaıylym anyqtaldy. Olardyń 3,2 mln gektary memlekettik menshikke qaıtaryldy, munyń 3 mln gektary – jaıylymdyq, 223 myń gektary – egistik jerler», - dedi E. Qarashókeev Úkimet otyrysynda.
Onyń aıtýynsha, jer zańnamasyna paıdalanylmaıtyn aýyl sharýashylyǵy jerlerin tekserý kezeńderi men olardy alyp qoıý merzimderin qysqartý (2 jyldan 1 jylǵa deıin) jáne ǵaryshtyq monıtorıng ádisin qoldana otyryp, baılanyssyz baqylaý protsesin avtomattandyrý jóninde túzetýler qabyldandy. Sondaı-aq, mindetine jaýapsyz qaraıtyn jer paıdalanýshylardy paıdalanylmaıtyn aýyl sharýashylyǵy jerlerinen óz erkimen bas tartýǵa ekonomıkalyq turǵydan májbúr etý maqsatynda Salyq kodeksinde paıdalanylmaıtyn aýyl sharýashylyǵy jerlerine arnalǵan salyq mólsherlemesin 10-nan 20 esege deıin ulǵaıtý kózdelgen.
Budan buryn habarlanǵandaı, bıyl naýryz aıynda aýyl sharýashylyǵyndaǵy sýbsıdııalaý júıesin jetildirý boıynsha túpkilikti ózgerister toptamasy Úkimettiń qaraýyna engiziledi.